Ombudsman di Kòrsou ta investigando transparensia di gobernashon (na Hulandés: openbaarheid van bestuur) aki na Kòrsou. P’e motibu ei Ombudsman kièr sa kon e siudadanonan i kompanianan ta eksperensiá e suministro di informashon tokante asuntunan gubernamental dor di gobièrnu.
Ombudsman ta hasi un apelashon na siudadanonan i kompanianan ku na 2017 i 2018 a suministrá un petishon (Lob-verzoek) pa mèldu nan mes te ku fin di yüni 2019.
E resultadonan di investigashon lo wòrdu publika den último kuartal di 2019 riba e wèpsait di Ombudsman: https://www.ombudsman-curacao.cw.
Pa mas informashon por tuma kontakto na number di telefon 4610303 of e-mail na info@ombudsman-curacao.cw
Tur hende tin derechi di hasi un petishon na Ombudsman pa hasi un investigashon riba e manera ku un organo gubernamental komporta su mes den sierto situashon ku un siudadano of persona di legal.
Nos ora nan di ofisina ta di djaluna te ku djabierne.
Inloop: 08.30 - 11.30
Sita: 14.00 - 15.30
Scharlooweg # 41
Tel: +5999 4610303
Fax: +5999 4619483
E-mail: info@ombudsman-curacao.cw
