Home > Papiamentu > Notisia > Entrega Relato Anual 2020

Entrega Relato Anual 2020

Presidente di Parlamento di Kòrsou, sra. Charetti America-Francisca, a hasi un bishita di trabou awe, 5 di yüli 2021, na ofisina di Ombudsman di Kòrsou. Durante di e bishita aki, Ombudsman a hasi entrega di su relato anual di aña 2020 na Presidente di Parlamento. di Kòrsou. Ku entrega di e relato aki, Ombudsman a informá Parlamento den liñanan general tokante e trabounan ku e instituto a hasi den aña 2020, i a responsabilisá tambe e uso di e presupuesto risibí den e aña ei.

Ombudsman a risibí un total di 842 kaso den aña 2020. Den aña 2019 e kantidat total di kasonan risibí tabata 568. E gran mayoria di e kasonan ku Ombudsman a risibí, a keda solushoná den aña 2020 mes. E tres ministerionan ku Ombudsman a risibí mas tantu kaso ofisial di dje den aña 2020, tabata:

  • Ministerio di Desaroyo Sosial, Labor i Bienestar [105]
  • Ministerio di Hustisia [75]
  • Ministerio Tráfiko, Transporte i Planifikashon Urban [61]

Den su relato di aña 2020 Ombudsman ta para ketu na e pandemia di COVID-19 i e konsekuensianan ku e tabata tin pa komunidat, i tambe pa e funshonamentu di e instituto di Ombudsman mes. Den e kuadro aki, Ombudsman a manda diferente karta di preokupashon pa Gobièrnu di Kòrsou, den kua a pidi atenshon entre otro pa e konsekuensianan di e medidanan ku a keda tumá dor di Gobièrnu pa evitá ku e virus lo a sigui propagá su mes.

Tambe Ombudsman a bolbe pidi atenshon pa e situashon kaminda diferente kasnan di famia, no ta disponé di akseso na awa limpi, ku tur e konsekuensianan ku esaki por tin.

Den aña 2020 Ombudsman a ekspresá su preokupashon tambe pa e echo ku hopi siudadanonan vulnerabel, no ta haña e protekshon nesesario di estado pa motibu ku falta sufisiente leinan sosial adekuá na Kòrsou.

E relato anual 2020 di Ombudsman ta disponibel di forma integral riba www.ombudsman-curacao.cw

Jaarverslag 2020

Entrega keho

Tur hende tin derechi di hasi un petishon na Ombudsman pa hasi un investigashon riba e manera ku un organo gubernamental komporta su mes den sierto situashon ku un siudadano of persona di legal.


Formulario di keho

Den media

Programa informativo Ombudsman 2020

Episodio 4 - Transparensha di Gobernashon

(Transmishon 3 novèmber 2020)

Mas detaye

Orario di ofisina

Nos ora nan di ofisina ta di djaluna te ku djabierne.

Inloop: 08.30 - 11.30

Sita: 14.00 - 15.30

Ruta