Den aña 2017 Ombudsman a atendé 799 kaso. Den aña 2016, e kantidat aki tabata 603. E ministérionan ku den aña 2017 mas tantu keho Ombudsman a risibí di dje ta:
- Ministerio di Hustisia (82)
- Ministerio di Maneho di Gobernashon, Planifikashon i Servisio Públiko (75)
- Ministerio di Tráfiko, Transporte i Planifikashon Urbano (61).
Den e relato di aña 2017, a hasi tambe un análisis kòrtiku di e rekomendashonnan por eskrito ku Ombudsman a duna den e áñanan anterior (2015 i 2016). E konklushon prinsipal ta ku den mayoria kaso, no a bin un reakshon di parti di e ministérionan konserní. Den e kuadro aki, Ombudsman lo bai laga hasi un investigashon mas detayá pa wak kon por mehorá e situashon.
