Home > Papiamentu > Notisia > Entrega Jaarverslag 2018

Entrega Jaarverslag 2018

Entrega Jaarverslag 2018

Ombudsman di Kòrsou a entregá su relato anual di aña 2018 na Presidente di Parlamento di Kòrsou, señor ing. William Millerson, riba 7 mei 2019. E relato aki ta duna un bista global di e trabounan ku a keda hasí den aña 2018, i ta indiká  prinsipálmente e kantidat di kéhonan ku e keda entregá kontra e ministérionan di gobièrnu.

Den aña 2018 Ombudsman a risibí 650 kaso. E ministérionan ku den aña 2018 mas tantu keho Ombudsman a risibí di dje ta:

  • Ministerio di Hustisia (84)
  • Ministerio di Tráfiko, Transporte i Planifikashon Urbano (49)
  • Ministerio di Finansa (42)

Un di e observashonnan prinsipal di Ombudsman pa loke ta trata e trabounan ku a keda hasí den aña 2018, ta ku tin un diferensha grandi entre e manera ku e ministérionan ta funshoná i komuniká. Ombudsman ta konkluí den e kuadro aki ku tin espasio pa e ministérionan por funshoná di un manera mas optimal, teniendo kuenta ku e nórmanan di bon gobernashon.  

E relato di aña 2018 ta para ketu tambe na e echo ku den aña 2018, e instituto di Ombudsman a kumpli 15 aña di eksistensha. Ombudsman di Kòrsou den e kuadro aki a honra den un selebrashon ofisial sr. mr. Fred Wiel (2003 – 2009) i sra. mr. Alba Martijn (2009 – 2015), kende ta e persónanan ku a ehersé e funshon di Ombudsman den pasado.

Entrega keho

Tur hende tin derechi di hasi un petishon na Ombudsman pa hasi un investigashon riba e manera ku un organo gubernamental komporta su mes den sierto situashon ku un siudadano of persona di legal.


Formulario di keho

Orario di ofisina

Nos ora nan di ofisina ta di djaluna te ku djabierne.

Inloop: 08.30 - 11.30

Sita: 14.00 - 15.30

Ruta