Notisia 2019

Nashonnan Uní a adoptá e Deklarashon Universal di Derechinan Humano na aña 1948. Di e manera aki a bin pa prome biaha rekonosementu internashonal pa e konsepto di derechinan humano. E prohibishon pa diskriminá, e prohibishon pa torturá i libertat di ekspreshon ta ehèmpelnan di derechinan humano.

Ombudsman ta kontinuá ku su siklo di charlanan na sentronan di bario di Kòrsou pa informá pueblo di Kòrsou tokante e tarea i kompetensianan di Ombudsman di Kòrsou.

RSVP prome ku 27 juni'19 via info@ombudsman-curacao.cw of e formulario aki

Regularmente Ombudsman di Kòrsou ta risibí kehonan di siudadano tokante e tratamentu di kartanan di obheshon dor di gobièrnu. Un di e kehonan ku ta tende hopi ta ku e siudadano nunka a wòrdu kontesta. P’esei e Ombudsman ta investigando e tratamentu di kartanan di obheshon na 2017 i 2018 dor di e Ministerio di Desaroyo Sosial, Labor i Bienestar i Ministerio di Salubridat, Medio Ambiente & Naturalesa.

Ombudsman di Kòrsou ta investigando transparensia di gobernashon (na Hulandés: openbaarheid van bestuur) aki na Kòrsou. P’e motibu ei Ombudsman kièr sa kon e siudadanonan i kompanianan ta eksperensiá e suministro di informashon tokante asuntunan gubernamental dor di gobièrnu.